Ylli i Bayernit: Kujdes nga Sevilla, ata eliminuan një skuadër si Manchester United

21:05 | 2 Prill 2018
Arbresh.info

Reprezentuesi spanjoll, Javi Martinez, i ka paralajmëruar bashkëlojtarët e tij te Bayern Munich, për rrezikun e mundshëm nga Sevilla.

Bayern Munich dhe Sevilla do të takohen në çerekfinale të Ligës së Kampionëve.

Ish mesfushori i Athletic Bilbaos, ka thënë se Sevilla mund ta eliminojë Bayernin, nëse skuadra gjermane nuk është në formën më të mirë.

“Ndoshta njerëzit mendojnë se ata nuk janë të mirë sa Barcelona apo Real Madrid, por unë mendoj se janë”, ka deklaruar Martinez për ‘ESPN’.

“Nëse ne nuk jemi 100 për qind në formë, ata mund të na mposhtin. United është shembulli më i mirë. Mendoj se Sevilla e ka merituar t’i fitoi të dy ndeshjet, në Sevillë dhe Mançester”

Takimi nesër do të zhvillohet nga ora 20:45. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm